+373 298 22 887
Gagauziya Genel Üüretim Müdürlüün kararına görä (№ 01/1-13-373, 11.11.2022.) hem KDU izininȁ görȁ (№ 10, 11.11.2022.) Gagauz filologiya hem istoriya kafedrasında noyabrinin 14-dän dekabrinin 11-yȁdȁn ‘Gagauz dili hem literaturası’ (600 saat/20 kredit) programasında didaktika kursları üüredicilerä deyni geçti.
Kurslarda liţeylerdän hem gimnaziyalardan 36 üüredici pay aldı. Onnardan 25 üüredici sade Modul A ayırdı, 11 üüredici А, B, C, D Modullerdä kursları geçti. Herbir Modulün sonunda üüerdicilär test geçti.
Kursların neeti - üüredicilerin bilgilerini genişletmää hem derinnetmää. Bu bilgilär yardım edecek onnara taa üüsek uurda uşaklara bilgi vermää. Lekţiyalarda hem seminarlarda zamandaş gagauz dilindä hem literaturasında, orfografiya kurallarına görä, gagauz dili metodikasında diskusiya oldu. Kursların sonunda gagauz dili hem literatura metodikasında üüredicilär urokların didaktika proektlerini korudular.
Kursların sonunda üüredicilär anketayı doldurdu, neredä kurslara üüsek nota koydular.
Hepsi üüredici, kursları başardıktan sora, sertifikatları kabul edeceklär.
